ياابن الاسلام الدين لا يقوم إلا بأبنائه ..ومن أبنائه أنت ..فماذا قدمت له؟؟

[عاشـــ الإبداع ـــق]

السلام عليكم ورحمة الله وبركاته ..

اخواني اعضاء منتدى وصيت قلبي .. اعتقد الموضوع مبين من عنوانه مثل مايقولون ..

ويمكن مر عليكم كمسج .. ولكن نحن اليوم نبا نستفيد فعلاً مما نسمع .. ونقراء ..

المهم اللي نباه ..

ان كل واحد فينا يكتب لنا موقف شافه .. او سمع عنه .. او هو بنفسه سواه و حس فيه انه قدم شي للاسلام والمسلمين ..

والقصد هني مب الرياء والتفاخر ولكن التشجيع والتحفيز لنا ككل ..

انتظر منكم الرد .. ولكن مو تمرون مشكور وماقصرت وجزاك الله خير .. لا نبا تفاعل ..


تحياتي ..

[سكــــــــــــــــــــر]

فالك طيب عااااااااااااااااشق .. بفكر وارد عليك

[وصـــيت قلبـــي]

يعطــــيك العافيه على الموضوع اخوي الغالي عـــــ الابداع ــــــاشق

اسم على مسمى مبدع اخوي في طرحك ويسلموو على المووضوع

الدال على الخير كفاعله

المواقف كثير والحمدلله والاهم فيها اني دليت بعض الناس لطريق الخير والله استجاب لهم

والله يهدي الجميع الى طريق الهدايه والصواب

وانشاء الله نشوف الكل في افضل حالتهم الايمانيه ولا نخلوا من التقصير

تحــــــ لك ـــــــياتي

[عاشـــ الإبداع ـــق]

انشاالله دوووووووووم للخير ودروبه الغالي وصيت قلبي ....
مشكور على مرورك الكريم نبض.


..... سكر يلا فكر بسرعه ورد عليه ياعنوني .

[الدكتاتوري]

مشكوووووووووور على الموضوع

الموقف : امممممممممم

كنت ماشي بالسياره و لقيت بنت صغيره عمرها تقريبا 21 و لقيت اثنين شباب بسياره واقفين عندها و يكلمونها و هي ماشيه و كانوا الشباب اكبر مني بكثير انا كنت وقتها بأول ثانوي ...المهم...وقفت انا سيارتي قدامهم بشوي يوم وصلت البنت عندي هم لفوا علشان يصيرون قدامي يبون ينتظرنها اول ما صارت سيارتهم جنبي دعسسسست بنزين و صدمتهم ... قاموا هربوا ولا عاد رجعوا مره ثانيه ;)

[عاشـــ الإبداع ـــق]

تسسسلم يمناك دك ..

والله والنعم فيك .. يستاهلون ماجاهم ..

بوركت يالنشمي ولاعدمناك ..

الف تحيه ..

[د.الصاعقة]

وعليكم الســــــــــلام ورحمة من الرحمن وبركـــــــــاته...

موضوع لايصدر الا من مبدع حقيقة ماهي مجامله يعطيك العافيه اخوي عــــ الابداع ــاشق
وبالفعل هدفك راقي في هالموضوع

وفالحقيقة المواقف ولله الحمد كثيرة واللي سمعنابه كثير واللي شفناه ايضا وتعلمنا منه كثير
والدنيا الحمد لله فيها الخير الكثير مادام الخيرين موجودين وهدفهم سامي ونبيل.

ومن الاشياء اللي ما اقولك سويتها لاكن ارجو ان يكون لي دور ولو بجزء يسير فيها وهذا يشرفني كثير انو كان هناك موظفتين عندي من الفلبين واول مره يجون للخليج وما كانو يعرفون عربي وكان التعامل معهم مره صعب وانا انجليزيتي مو الى ذاك الزود حتى ان احنا اذا ما فهمنا بعض كنت اضطر ارسم وش ابي وكانو غير مسلمات بس شهاداتهم عاليه ومر عليهم معنى الاسلام ويعرفون عنه اشياء كثيرحلوة مثل ماكانو يقولون لي وانا في البدايه صرت اكلمهم شوي شوي عن الاسلام وافهمهم بالتدريج وكانو حتى لما يتهاوشون ياشين هواشهم يبربرون وانا مثل الاطرش مادري وش يقولون واخاف لا يسون لي كراتيه وش بيفكني عاد الفلابنه ياويلي... لاكن احاول اصلح بينهم وكنت اقولهم ان احنا مثل الاخوات ومايصلح لازم نتسامح علشان قلوبنا تصير بيضا وبالفعل كنت اعاملهم بالحسنا وكأنا اسره وحده الى درجت انهم ولله الحمد حبوني كثير وجو الشغل كان بالمره جو مثل ما تقول من جنسيات عربيه واجنبيه مختلفه بس هم الوحيدات اللي موب مسلمات. وماكنت اقصر معهم بشي ولا ارفض لهم طلب واذاجلسنا لايخلو الكلام من سيرة الاسلام وكان كفيلهم يجزاه خير جايب لهم كتب اسلاميه مترجمه .
واذكر من الاسئله اللي سألتني وحده منهم واعجبني سؤالها وحماسهافي طرحه علي كانو متحمسين يتعرفون على طباع الحرمه المسلمة و الشعب المسلم ومعجبين من جد وعندهم فظول قوي وانتم عارفين الاجانب وفظولهم.
المهم اسالتني ليش تلبسون العباية مع انكم جميلات وشكل العباية مو حلو ولايبين منكم الا عيونكم ويدينكم؟؟... انا جاوبتها بابتسامه وقلت لها الله فرض الحجاب لحكمه ولمنفعه لنا لو ماكنا نتحجب كان عشنا في خوف وعدم امان من الحراميه وكانت لابسه جنز وقلت لها انت لو تنزلين للشارع تمشين بهاللبس امام الرجال هل تأمنين انو ما احد يتعرض لك وانت تعرفين ان فيه ناس ماعندهم ضمير ولا قلب خصوصا في الشعوب اللي ماهي مسلمه (( طبعا باسلوبي المقطع اللي كلمه انقليزي وعشر كلمات عربيه محرفة علشان تفهم هههههههه وحركات اليدين وتعابير الوجه)) المهم انها بالفعل قالت انتي على حق وكثير المشاكل والاعتدائات اللي تصير ضحاياها البنات من كذا وقالت ان فيه كثير من الفلبينيين مسلمين عنهم هناك شي افرحني حقيقة ولله الحمد وكنت اسئلها عن المساجد هناك وتقوللي..وبعد فتره اهديتها عباية علشان اذا جات تنزل للسوق تلبسها وكنت اذا جيت بانزل معهم للسوق نجلس نضحك على اشكالهم في النقاب وكيف يلبسونه.
وكنت دايم اقول لهم ادخلو في الاسلام تراهو حلو وكانو عارفين انه حلو بس محتاجين دعم وتعزيز وكانو اذا شافونا نصلي يناظرونا وكانو عارفين عدد الفروض و الركات لكل فريضه واذكر مرة اذا ماجاونا زباين كانو يقولون روحي صلي علشان الله يجيب زبون كثير ويضحكون وسبحان الله مع الوقت صارو اذا دخلو علي يقولون سلام عليكم عليكم سلام ويدمجون السلام والرد مع بعض هههههههههههه الين فهمتهم ان المقطع الاول هم يقولونه والثاني انا اللي ارد به عليهم ..واذكر مره كنا نقول سالفه قالت وحده منهم الله فوق اني ما اكذب وكنت اقول في نفسي والله مايجهلهم شي وكنت ادعيلهم دايم .
وسبحان الله في شهر ثمانيه من هالعام اتصلو فيني الساعه وحده من الليل يبشروني انهم دخلو في الاسلام وكانو يقولون احنا الحين مسلمات ويضحكون مستانسين والله يعلم اني فرحت لهم كثيرماتتصورون والحمد لله حسيت ان لي دور ولو لشيء يسير واسال الله انه يثبتهم ويزيدهم في الايمان بسطه واياكم والمسلمين.
واوصيكم واوصي نفسي على فعل الخير بالحسنا لا بالاكراه واذا صرت خلوق في تعاملك واسلوبك امام غير المسلمين راح يعرفون ان هذا بسبب الاسلام وبهذا تصير انت من يمثل الاسلام امامهم وقد تكون سبب لدخولهم في الاسلام.

وعسى ما طولت عليكم..
ومثل ما تفظل اخوي ماذكرت هالشي للسمعه لاكن لأخذ العبرة

والعبرات كثير اللي شفتها وسمعت فيها واللي صارت قدامي واللي اثرت فيني
لاكن هذي لانها صارت قريب قلتها واذا حظرني شي راح اقوله بأذن الله
واترك المساحه لكم .

اوخيتكم الـــــصـــــــــــاعقـــــــــة.